تجربتي في نشاط بيع المياه المعبأة على المحلات والفنادق كتاجر جديد بالسوق
بطرح لك تجربتي في نشاط بيع المياه المعبأة على المحلات والفنادق كتاجر جديد بالسوق
اسعار الكرتون تتراوح مابين ٧-١٢ ريال على حسب الشركة وللكميات الكبيرة جداً السعر يكون أقل من كذا
أخذت مستودع كبير ونزلت فيه من شركة وحدة وهذي أحد الاخطاء التنوع جداً مهم حتى تقدر تبيع بسهولة بعدها جبت من خمس مصانع مختلفة وكملت المشوار والنتيجة للأسف المشروع هذا كان خسارة بنسبة ١٠٠٪ علي ومن تجربتي بكتب اخطائي لعل أحد يستفيد :
١- المندوب اللي يعرف يبيع ويكون علاقات أهم شي في المشروع لان اللي كانوا معي سيئين في البيع
٢- لازم ادارة مستودعات قوية ومستمرة لحصر التالف والناقص ومتابعه مبيعات الكاش اليوميه والآجل
٣- تحتاج تبيع على المنازل والمستهلك مباشرة ولاتعتمد على المحلات والفنادق
٤- أفضل شيء تاخذ خط انتاج باسمك حتى منتجك يكون خاص وغير موجود عند غيرك حتى ما يقدرون ينافسونك بالسعر اللي تحدده وقت البيع
٥- السرقة للأسف تحصل كثير من ضعاف النفوس
تجربتي كانت مع مصانع المدينة المنورة وجدة وأعرف اسعارهم زين قد تكون مختلفة في مناطق أخرى